Եվրոպական միությունը գործում է 23 պաշտոնական լեզուներով, որի համար իրավական հիմք է ծառայում Խորհրդի 1958թ.-ի թիվ 1 կանոնակարգը, որը սահմանում է Եվրոպական տնտեսական համայնքի կողմից կիրառվելիք պաշտոնական լեզուները։ Դրանց մեծ թիվը պայմանավորված է նրանով, որ ԵՄ ցանկացած անդամ պետության քաղաքացի պետք է հնարավորություն ունենա իրականացնելու իր՝ ԵՄ գործունեության վերաբերյալ տեղեկացված լինելու իրավունքն առանց այլ անդամ պետության լեզուն սովորելու։     >>>

    Անգլերենի սակավաթիվ ուղղագրական կանոնների շարքը «կլքի» ևս մեկը։ Մինչ օրս անգլերենի ուղղագրական կանոններն ուսուցանելիս ուսուցիչները աշակերտներին բառամիջում իրար հետևող «i» և «e» ձայնավորների հաջորդականությունը ճիշտ հիշելու հեշտ լուծում էին առաջարկում. «i»-ը հիմնականում նախորդում է «e»-ին, բացառությամբ այն դեպքերի, երբ դրանց առաջ դրված է «c» բաղաձայնը։ Սա, իհարկե, չէր վերաբերում բացառություններին, որոնք այժմ, կարծեք թե, կանոն են դառնում։     >>>

    2008 թվականի դեկտեմբերի 3-ին Բրյուսելում կայացած հանդիպման ժամանակ Եվրոպական հանձնաժողովը առաջարկ է ներկայացրել նոր Արևելյան գործընկերության վերաբերյալ, որը փոփոխության է ենթարկելու Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի հետ ունեցած Եվրոպական միության արտաքին հարաբերությունները:     >>>

    Եվրամիության ամբողջ տարածքում աշակերտներն հոկտեմբերի 27-ին մասնակցեցին թարգմանությունների համաեվրոմիութենական մրցույթին, որը նպատակ ունի Եվրոպայի պատանիների շրջանում խթանել այս մասնագիտությունը։     >>>

    Նոյեմբերի 5-ին Թարգմանությունների կենտրոնում տեղի ունեցավ հերթական վերապատրաստման դասընթացը, որի ընթացքում մասնակիցներին ներկայացվեցին Եվրոպական միության երեք հենասյուները՝ համայնքային խնդիրները, ընդհանուր արտաքին և անվտանգության քաղաքականությունը և արդարադատությունն ու ներքին գործերը։     >>>

    Թարգմանությունը համարելով քաղաքակրթության և միջպետական հարաբերությունների զարգացման կարևոր տարր՝ «Հայաստանի Հանրապետության արդարադատության նախարարության թարգմանությունների կենտրոն» ՊՈԱԿ-ում հոկտեմբերի 10-ին կազմակերպվեց Թարգմանչաց տոնին նվիրված միջոցառում։     >>>

    Միջազգային օրացույցում, որը հարուստ է տարբեր մասնագիտություններին նվիրված օրերով, առանձնացվում է նաև թարգմանիչների օրը, որը միջազգայնորեն նշվում է սեպտեմբերի 30-ին, իսկ Հայաստանում՝ հոկտեմբերի երկրորդ շաբաթ օրը։     >>>

        Թարգմանությունը ստեղծագործական այն աշխատանքն է, որով զբաղվողը պետք է քաջատեղյակ լինի գիտության և հասարակական կյանքի բազում բնագավառներից՝ մշտապես բարձրացնելով իր մասնագիտական գիտելիքների մակարդակը և ընդլայնելով աշխարհայացքը: Թարգմանությունների կենտրոնի մասնագիտական անձնակազմի համար դրանք լոկ խոսքեր չեն, այլ առօրյա ջանքեր և մանրակրկիտ աշխատանք՝ տարբեր բնագավառներին առնչվող տեքստերի ճշգրիտ թարգմանության և խմբագրման ուղղությամբ:     >>>

        Թարգմանությունների կենտրոն ստեղծելու մտահղացումը ծնունդ առավ դեռևս 2006 թվականին, երբ կառավարության հավանությանն արժանացավ 1996 թվականին Հայաստանի Հանրապետության և Եվրոպական համայնքների ու դրա 15 անդամ պետությունների միջև ստորագրված և 1999 թվականին ուժի մեջ մտած Գործընկերության և համագործակցության համաձայնագրի իրականացման ազգային ծրագիրը:     >>>